باکو۔24فروری (اے پی پی) پاکستان اتے جمہوریہ آذربائیجان وچال تیل تے گیس سودھے مختلف شعبیاں اچ تعاون کیتے کئی معاہدیاں اتے مفاہمتی یادداشتاں تے دستخط کیتے ڳئن۔ وزیراعظم محمد شہباز شریف اتے آذربائیجان دے صدر الہام علیوف وی معاہدیاں اتے ایم او یوز تے دستخط اتے انہاں دے تبادلیاں دی تقریب اچ موجود ہن۔ تفصیل موجب ماچھیکے-ٹھلیاں-تاروجبہ وائٹ آئل پائپ لائن منصوبے اچ تعاون کیتے جمہوریہ آذربائیجان دی سٹیٹ آئل کمپنی( سوکر )اتے فرنٹیئر ورکس آرگنائزیشن (ایف ڈبلیو او) اتے پاکستان سٹیٹ آئل کمپنی لمیٹڈ (پی ایس او) وچال مفاہمت دی یادداشت تے ’’سوکر‘‘ دے صدر روشن نجف اتے ڈائریکٹر جنرل ایف ڈبلیو او عبدالسمیع دستخط کیتے اتے دستاویز دا تبادلہ کیتا۔ جمہوریہ آذربائیجان دی اسٹیٹ آئل کمپنی (سوکر ) اتے پاکستان ریفائنری لمیٹڈ (پی آر ایل) اتے پاکستان اسٹیٹ آئل کمپنی لمیٹڈ وچال مفاہمت دی یادداشت تے’’ سوکر‘‘ دے صدر روشن نجف اتے پاکستان ریفائنری لمیٹڈ دے منیجنگ ڈائریکٹر اتے سی ای او زاہد میر دستخط کیتے ۔ ترمیمی معاہدہ نمبر 1، ایل این جی کارگوز دی فروخت اتے خریداری کیتے ماسٹر (ڈیلیور شدہ سابق جہاز) ایل این جی دی فروخت اتے خریداری دے معاہدے بارے فریم ورک معاہدے تے سوکد دے صدر روشن نجف اتے پاکستان ایل این جی لمیٹڈ دے منیجنگ ڈائریکٹر اتے سی ای اومسعود نبی دستخط کیتے ۔ پاکستان اسٹیٹ آئل کمپنی لمیٹڈ (پی ایس او) اتے سوکر ٹریڈنگ وچال مفاہمت دی یادداشت اتے پاکستان اسٹیٹ آئل کمپنی لمیٹڈ اتے سوکر ٹریڈنگ وچال پٹرولیم مصنوعات کیتے مدتی فروخت اتے خریداری دے معاہدے دی اکنالج منٹ تے سوکر ٹریڈنگ دے صدر روشن نجف اتےپاکستان سٹیٹ آئل کمپنی لمیٹڈ دے منیجنگ ڈائریکٹر اتے سی ای اوسید محمد طحہٰ دستخط کیتے۔ جمہوریہ آذربائیجان دے نخچیوان خودمختار ری پبلک دے شہر نخچیوان اتے لاہور شہر وچال ثقافت، سیاحت ، شہری ترقی ، تعلیم ، سائنس ، معیشت سودھے عوامی اہمیت دے حامل مختلف شعبیاں اچ تعاون بارے مفاہمت دی یادداشت تے نائب وزیراعظم اتے وزیر خارجہ محمد اسحاق ڈار اتے آذربائیجان دے وزیر خارجہ جیحون بائراموف دستخط کیتے۔
