اسلام آباد۔25فروری (اے پی پی) وزیراعظم شہباز شریف دی کویت دے یوم آزادی دے موقع امیر کویت شیخ مشعل الاحمد الجابر الصباح ولی عہد شیخ صباح الخالد الحماد الصباح، وزیر اعظم شیخ عبداللہ الاحمد الصباح اتے عوام کوں مبارخ ݙتی اے۔ منگل کوں پی ایم آفس دے میڈیا ونگ توں جاری بیان موجب وزیراعظم آپݨے تہنیتی سنیھے اچ آکھیا جو او امیر کویت شیخ مشعل الاحمد الجابر الصباح اتے وزیر اعظم شیخ عبداللہ الاحمد الصباح کوں اتے کویت دی حکومت کوں برادر ریاست دے قومی ݙینھ اتے یوم آزادی دے موقع تے مبارخ ݙینداں۔ انہاں آکھیا جو ایں خوشی دے موقع تے کویتی عوام نال ہیسے۔ انہاں آکھیا جو پاکستان اتے کویت وچال ݙوپاسہ تعلقات اساݙٰی سانجھی تاریخ، مذہب اتے ثقافت تے مبنی ہن۔ اساں ہر اوکھ اچ نال ہیسے۔ اساں آپݨے تعلقات کوں نویں بلندیاں تئیں پڄاوݨ، آپسی طور تعاون ودھاوݨ اتے علاقائی امن تے خوشحالی کیتے کویت دی قیادت نال رل تے کم کرݨ کیتے تیار ہیسے
