شکر گڑھ ۔ 25فروری (اے پی پی) وفاقی وزیر منصوبہ بندی ترقی تے اصلاحات وخصوصی اقدامات پروفیسر احسن اقبال آکھیا جو حکومت نینگراں دی ترقی اتے تعلیم کیتے ہرممکن اقدامات کریندی پئی اے۔ منگل کوں یونیورسٹی آف نارووال اچ تھیوݨ آلی تقریب توں خطاب کریندیں ہوئیں انہاں آکھیا جو نارووال سپورٹس سٹی دی رونقاں بحال تھیندی پئن اتے نینگراں کوں تعلیم تے تفریح دی ساری سہولتاں ݙیوݨ کیتے پرعزم اے۔ احسن اقبال آکھیا جو ’’اڑان پاکستان‘‘ دے تحت ملک دے ہر کونے اچ یونیورسٹیاں اتے کھیݙ دے میدان ٻݨائے ویسن۔ وفاقی وزیر ارشد ندیم دی کامیابی کوں نینگراں کیتے ہک مثال قرار ݙیندیں ہوئیں آکھیا جو اساݙا نظریہ نینگراں کوں مندے ڳالھیں سکھاوݨ نئی بلکہ انہاں کوں ترقی دے موقع ݙیوݨ اے۔ انہاں آکھیا جو حکومت نینگراں دی ترقی اتے تعلیم کیتے ہرممکن اقدامات کریندی پئی اے۔
