باکو۔25فروری(اے پی پی) وزیراعظم محمد شہباز شریف آذربائیجان دے’’آسان خدمت مرکز‘‘اچ عوامی خدمات ݙیوݨ دیاں سہولتاں دی تعریف کریندے آکھیے آسان خدمت مرکز دی طرز دے مراکز پاکستان اچ وی قائم ہن ، عوامی خدمات ݙیوݨ سانڳے جدید ٹیکنالوجی دے استعمال دے آذربائیجان دے تجربے توں فیدہ چیسوں ۔ اتھاں عوامی فلاح و بہبود دے مرکز ’’آسان خدمت‘‘ دے دورے دے موقع تے صحافیاں نال ڳالھ مہاڑ کریندے وزیراعظم آکھیے اے مرکز آذربائیجان دے صدر الہام علیوف دی دور اندیشی دا مظہر اے، ایں مرکز اچ سارے جدید سہولتاں میسر ہن، اے ماڈل عوامی خدمت دی شفاف ،جوابدہ اتے مؤثر فراہمی یقینی بݨیندے ، اساں سٹارٹ اپ سنٹر دا وی دورہ کیتے، رضاکار اپݨی ذمہ داریاں خوش اسلوبی نال انجام ݙیندے پئن ۔ انہاں آکھیے اگرچہ پاکستان اچ وی ایجھے مرکز قائم ہن لیکن اساں جدید ٹیکنالوجی دے حوالے نال آذربائیجان دے تجربیں توں فیدہ چیسوں ، اے ڳالھ ضروری اے جو ھک چھت تلے عوامی خدمات دیاں ساریاں جدید سہولتاں ہووݨیاں چاہیدن تاں جو عام آدمی کوں خدمات ݙیوݨ اچ کہیں قسم دی دیر نہ تھیوے۔
