باکو۔25فروری(اے پی پی) وزیراعظم محمد شہباز شریف آذربائیجان دے دورے دے بعد باکو توں ازبکستان دے 2 ݙینھ دے دورے تے تاشقند روانہ تھی ڳئن ۔ منڳل کوں آذربائیجان دے اول نائب وزیرِاعظم یعقوب عبداللہ اوعلو ایوبوف، نائب وزیرِ خارجہ یالچین رفائیف، پاکستان اچ آذربائیجان دے سفیر خضر فرخادوف، آذربائیجان اچ پاکستان دے سفیر قاسم محی الدین اتے اعلیٰ سفارتی و سرکاری اہلکاراں وزیراعظم کوں الوداع کیتے۔ نائب وزیراعظم و وزیرِ خارجہ محمد اسحاق ڈار، وزیرتجارت جام کمال خان، وزیرسرمایہ کاری و نجکاری عبدالعلیم خان، وزیراطلاعات و نشریات عطاء اللہ تارڑ اتے معاون خصوصی طارق فاطمی وی وزیراعظم دے دورہ ازبکستان اچ رلے ہوسن۔
