تاشقند۔25فروری(اے پی پی) وزیراعظم محمد شہبازشریف ازبکستان دے دارالحکومت تاشقند اچ یادگار آزادی دا دورہ کیتے اتے پُھلاں دی چادر چڑھا تے ازبکستان دی عظیم تاریخی شخصیات کوں خراج عقیدت پیش کیتے۔ یادگار آزادی آوݨ تے وزیراعظم کوں یادگار آزادی دے تاریخی پس منظرمتعلق بریفنگ ݙتی ڳئی ۔وزیراعظم شہباز شریف یادگارتے پُھل رکھیے ۔ایں موقع تے نائب وزیراعظم تے وزیر خارجہ اسحاق ڈار، وفاقی وزیر اطلاعات و نشریات عطا اللہ تارڑ اتے وزیراعظم دے معاون خصوصی طارق فاطمی وی انھاں دے رلے ہن ۔وزیراعظم ازبکستان دی تعمیر و ترقی اتے غیور و محنتی ازبک عوام سانڳے نیک خواہشات دا اظہار کیتے۔
