تاشقند /اسلام آباد۔26فروری (اے پی پی) نائب وزیر اعظم اتے وزیر خارجہ سینیٹر محمد اسحاق ڈار جو وزیر اعظم دے رَلے ازبکستان دے سرکاری دورے تے ہن، ازبکستان دے وزیر خارجہ بختیار سیدوف نال تاشقند اچ ملاقات کیتی۔ دفترخارجہ موجب ݙوہیں رہنماواں سانجھی تاریخ اتے آپسی احترام تے مبنی پاکستان اتے ازبکستان وچال پراݨے برادرانہ تعلقات دی تعریف کیتی۔ انہاں ݙوپاسہ تعلقات کوں مضبوط ٻݨاوݨ اتے تجارت، سرمایہ کاری، علاقائی رابطے اتے اقتصادی ترقی اچ تعاون کوں ودھاوݨ دے طریقیاں تے ڳالھ مہاڑ کیتی۔
