تاشقند،وزیراعظم شہباز شریف دے اعزاز اچ باضابطہ استقبالیہ تقریب،ازبکستان دے صدر شوکت مرزایوف پرتپاک خیرمقدم کیتا

تاشقند۔26فروری  (اے پی پی) وزیراعظم محمد شہباز شریف دے اعزاز اچ بدھ کوں باضابطہ استقبالیہ تقریب تھئی۔  ازبکستان دے صدر شوکت مرزایوف کانگریس سینٹر تاشقند آوݨ تے وزیراعظم دا خیر مقدم کیتا۔  ازبکستان دے صدر شوکت مرزا یوف اتے  وزیراعظم محمد شہباز شریف گرمجوشی نال مصافحہ کیتا۔ وزیراعظم کوں ازبکستان دی مسلح فوج دے چاق و چوبند دستے گارڈ آف آنر پیش کیتا۔ ایں موقع تے ݙوہیں ملکاں دے قومی ترانے وی وڄائے ڳئے۔ وزیراعظم شہباز شریف آپݨے وفد دے ارکان دا ازبکستان دے صدر نال تعارف کرایا،  ازبکستان دے صدر وی آپݨی کابینہ دے وزرا کوں وزیراعظم نال متعارف کرایا۔