راولپنڈی۔26فروری(اے پی پی) وزیردفاع خواجہ محمد آصف نال جرمنی دے سفیر الفریڈ گراناس اسلام آباد اچ ملاقات کیتی جیں اچ ݙو پاسے تعلقات ، دفاعی تعاون تے علاقائی استحکام تے ڳالھ مُہاڑ کیتی ڳئی ۔ݙوہیں پاسوں جرمنی اتے پاکستان وچال پراݨی شراکت داری کوں تکڑا کرݨ دے عزم دا اعادہ کیتے تے انسداد دہشت گردی دیاں کوششاں سودھے مشترکہ چیلنج نال نبݨݨ سانڳے جاری تعاون دی اہمیت تے زور ݙتے ۔ ݙوہیں رہنماواں وچال ڳالھ مہاڑ جاری رکھݨ تے اتفاق کیتا ڳئے ۔ بعد اچ وزیر دفاع و دفاعی پیداوار خواجہ محمد آصف نال جمہوریہ کرغزستان دے سفیر آوازبیک عطاخانو ( Avazbek Atakhanov) ملاقات کیتی۔ وزیر دفاع معزز مہمان دا استقبال کیتے تے آکھیے جو پاکستان کرغزستان نال دوستانہ تعلقات کوں ٻہوں اہمیت ݙیندے ۔ انہاں ایں ڳالھ تے زور ݙتے جو پاکستان علاقائی تے بین الاقوامی تنظیماں دے فریم ورک دے اندر کرغزستان نال تعاون مزید ودھیندا رہسی ۔کرغز سفیر پاکستان دی حمایت اتے تعاون دی تعریف کیتی ۔ انہاں پاکستان دی دفاعی صنعتاں تے انہاں دی مصنوعات دی صلاحیتاں دی تعریف کیتی تے ݙوہیں ملکاں وچال خوشگوار تعلقات دی اہمیت کوں اجاگر کیتے۔ݙوہیں معززین اعلیٰ سطحی ݙوپاسے کوآرڈینیشن سانڳے ادارہ جاتی فریم ورک کوں مزید تکڑا بݨاوݨ تے اتفاق کیتے
