لاہور۔26فروری (اے پی پی) وزیر اطلاعات پنجاب عظمی بخاری آکھیے خیبرپختونخواہ دا خزانہ دھرنے تے لانگ مارچ تے خرچ تھیندا پئے،مخالفین پنجاب تے تنقید کرݨ دی بجائے کے پی کے دی کارکردگی ݙساون۔ بیرسٹر سیف دے بیان تے ردعمل ݙیندے انہاں آکھیے پی ٹی آئی رہنما بیرسٹر سیف پنجاب تے تنقید کرݨ دی بجائے کے پی کے دی کارکردگی ݙساون ،تساں کنے آپݨا کجھ ݙساوݨ سانڳے کائنی۔ انہاں آکھیے تحریک انصاف دی پوری کارکردگی صرف ڈرامے بازی تے ملک دے خلاف سازشاں ہن پنجاب حکومت صوبے اچ عوام کوں ڈلیور کیتے تے ایں سانڳے لوکاں دیاں نظراں مریم نواز دی کارکردگی تے ہن ۔عظمی بخاری آکھیے وزیراعلی مریم نواز دی حکومت ھک سال اچ پنجاب دے لوکاں دیاں زندگیاں بدال ݙتن ،پنجاب حکومت دی میڈیا کمپین گراؤنڈ رائیلٹی تے مبنی اے۔انہاں بیرسٹر سیف کوں چیلنج کریندے آکھیے12 سال توں خیبرپختونخوا دا خزانہ دھرنے،احتجاج اتے لانگ مارچ تے خرچ تھیندا پئے ، سرکاری وسائل کوں قوم دی فلاح و بہبود تے خرچ کرݨ دی بجائے بانی پی ٹی آ ئی کوں جیل توں چھڑاوݨ تے استعمال تھیندے پئن ، پختونخوا حکومت اپݨے 10 منصوبے ݙسا ݙیون جیڑھے آپݨے صوبے اچ شروع کیتن اساں پنجاب اچ انہاں دی تشہیر خود کریسوں
