اسلام آباد۔27فروری (اے پی پی) وزیر اعظم دی کوآرڈینیٹر برائے موسمیاتی تبدیلی اتے ماحولیاتی رابطہ رومینہ خورشیدعالم تریمتیں دی موسمیاتی تبدیلی با رے شمولیتی پالیسیاں دی اہمیت تے زور ݙیندیں ہوئیں آکھیا جو ماحولیاتی تبدیلیاں نال نبڑݨ کیتے تریمتیں کوں معاشی طور بااختیار ٻݨاوݨا پوسی۔ اے ڳالھیں انہاں خمیس کوں موسمیاتی تبدیلی تے تریمتیں کوں بااختیار ٻݨاوݨ بارے سیمینار توں خطاب کریندیں ہوئیں آکھی۔ انہاں آکھیا جو پاکستان دی تریمتیں زراعت سودھے مختلف ترقیاتی شعبیاں اچ قیادت کریندی پئن۔ تریمتیں دا کردار موسمیاتی تبدیلی دے حل کیتے ضروری اے۔ انہاں زور ݙتا جو تریمتیں کوں اکثر ضروری وسائل، فیصلہ سازی دے پلیٹ فارمز اتے موقف پذیر ٹیکنالوجیز تئیں رسائی ڳھٹ ہوندی اے۔ انہاں آکھیا جو ماحولیاتی تبدیلیاں نال نبڑݨ کیتے تریمتیں کوں معاشی طور بااختیار ٻݨاوݨا پوسی۔
