اسلام آباد۔27فروری (اے پی پی) سپیکر قومی اسمبلی سردار ایاز صادق دا آپریشن سوئفٹ ریٹارٹ دے 6 سال پورے تھیوݨ تے مسلح فوج کوں خراج تحسین پیش کریندیں ہوئیں آکھیا جو پاک فوج وطن عزیز دے دفاع کیتے لازوال قربانیاں پیش کیتن۔ 27 فروری 2019ء کوں مسلح افواج ثابت کیتے جو او آپݨی سرحداں دے دفاع دی پوری صلاحیت رکھیندی اے۔ خمیس کوں آپݨے بیان اچ سردار ایاز صادق آکھیا جو آپریشن سوئفٹ ریٹارٹ اچ پاکستانی ایئر فورس آپݨی عسکری صلاحیتاں دا مظاہرہ کریندیں ہوئیں بھارتی دراندازی دا من ٻھن جواب ݙتا۔ انہاں آکھیا جو جو وطن عزیز دی حفاظت کیتے ہر ویلھے تیار رہݨ آلے پاک فضائیہ دے شاہیناں کوں خراج تحسین پیش کریندوں۔ پاکستان دے شاہیناں جرأت، شجاعت اتے بہادری دی نہ مٹ سڳݨ آلی داستان ٻݨائی جئیں تے پوری قوم کوں فخر اے۔
