راولپنڈی۔27فروری(اے پی پی) آئی سی سی چیمپئنز ٹرافی 2025 اچ پاکستان تے بنگلہ دیش وچال میچ مینھ پاروں منسوخ کرݙتا ڳئے ۔ ݙوہیں ٹیماں کوں ھک ھک پوائنٹ مل ڳئے۔ تفصیل موجب گروپ اے اچ شامل پاکستان اتے بنگلہ دیش دیاں ٹیماں وچال میچ راولپنڈی کرکٹ اسٹیڈیم اچ تھیوݨا ہئی تاں جو سارے ݙینھ وقفے وقفے نال مینھ وسدا رہیا تے ھک گیند دا کھیݙ وی نہ تھی سڳیا ۔ میچ دا ٹاس مقامی ویلھے موجب ݙوپہر 1:30 تے تھیوݨا ہئی ، امپائرز مسلسل فیلڈ دا جائزہ گھندے رہیے تے مینھ نہ رکݨ تے انہاں میچ منسوخی دا اعلان کرݙتے ایویں ݙوہیں ٹیماں کوں ھک ھک ݙے ݙتا ڳئے ۔ پاکستان تے بنگلہ دیش دی ٹیماں اپݨے ݙوہیں میچز ہر تے ایونٹ توں ٻاہر تھی چکئن ۔ݙوہیں ٹیماں کوں بھارت تے نیوزی لینڈ شکست ݙتی ہئی ۔ دفاعی چیمپیئن پاکستان گروپ اے اچ ھک پوائنٹ نال چھیکڑی پوزیشن ڳھدی۔ واضح رہے جو ایں توں پہلے راولپنڈی اچ جنوبی افریقہ تے آسٹریلیا دا میچ وی مینھ پاروں منسوخ کرݙتا ڳیا ہئی۔
