اسلام آباد۔27فروری(اے پی پی) ابوظہبی دے ولی عہد شیخ خالد بن محمد بن زید النہیان دا وزیراعظم ہاؤس آوݨ تے والہانہ استقبال کیتا ڳئے ۔ابو ظہبی دے ولی عہد دا وزیراعظم ہاؤس آوݨ تے باضابطہ استقبالیہ تقریب منعقد تھئی،وزیراعظم محمد شہباز شریف شیخ خالد بن محمد بن زید النہیان دا پرتپاک خیر مقدم کیتے۔ݙوہیں رہنماواں گرمجوشی نال ہتھ ملائے، پاکستان دی مسلح افواج دے چاق و چوبند دستے ابوظہبی دے ولی عہد کوں گارڈ آف آنر پیش کیتے۔ ایں موقع تے ݙوہیں ملکاں دے قومی ترانے وڄائے ڳئن۔ وزیراعظم شہباز شریف اپݨی کابینہ دے ارکان دا شیخ خالد بن محمد بن زید النہیان نال تعارف کرائے جݙاں جو ابوظہبی دے ولی عہد اپݨے وفد دے ارکان کوں وزیراعظم نال متعارف کرائے
