اسلام آباد۔27فروری(اے پی پی) پاکستان انٹرنیشنل ایئر لائن (پی آئی اے) دا رمضان المبارک تے عید الفطر تے ٹورنٹو توں کراچی سانڳے ٹکٹاں تے 10 فیصد تے پیرس توں اسلام آباد دے کرائے 15 فیصد گھٹاوݨ دا اعلان کرݙتے ۔ پی آئی اے دے کارپوریٹ ونگ موجب ٹورنٹو توں کراچی سانڳے 24 فروری توں 31 مارچ 2025ء تئیں ایں سہولت توں فیدہ چا سڳدن جیں سانڳے بکنگ 10 مارچ 2025ء تئیں کرائی ونڄ سڳدی اے۔ تارکین وطن پاکستان اچ اپݨے پیاریں نال عید دیاں خوشیاں مناوݨ سانڳے آن لائن بکنگ دی سہولت توں فیدہ چاسڳدن ۔ ایویں پیرس توں اسلام آباد سانڳے 15 فیصد رعایت نال پرواز کرن تے آپݨے سفر تے خصوصی بچت دی چس چاون ۔ پیرس توں ٹکٹاں کدی بکنگ 2 مارچ 2025ء تئیں دستیاب اے۔ ایں سہولت توں 28 فروری توں 16 مارچ 2025 تئیں فیدہ چاسڳدن ۔ مسافراں توں گزارش اے جو او یونیورسل نمبر 021-111-786-786 یا www.piac.com.pk دے ذریعے ہݨ آن لائن بکنگ کرا سڳدن۔
