اسلام آباد۔28فروری (اے پی پی) وزیراعظم محمد شہباز شریف آکھیا جو نویں وفاقی وزرا ،وزراء مملکت اتے مشیراں دا انتخاب قابلیت اتے صلاحیتوں دی بنیاد تے کیتا ڳئے، اساں اللہ تعالیٰ اتے عوام دی عدالت اچ جوابدہ ہیسے، کابینہ ارکان دی کارکردگی دا باقاعدہ خود جائزہ ڳھنساں۔ جمعے کوں وزیراعظم آفس دے میڈیا ونگ توں جا ری بیان موجب اے ڳالھیں انہاں ناشتے تے وفاقی وزرا، وزرائے مملکت اتے مشیراں نال ڳالھ مہاڑ کریندیں ہوئیں آکھی۔ وزیراعظم وفاقی کابینہ دے نویں ا رکان دے اعزاز اچ ناشتہ ݙتا۔ انہاں آکھیا جو نویں وفاقی وزرا ،وزراء مملکت اتے مشیراں دا انتخاب قابلیت اتے صلاحیتوں دی بنیاد تے کیتا ڳئے، اساں اللہ تعالیٰ اتے عوام دی عدالت اچ جوابدہ ہیسے۔وفاقی کابینہ دے ارکان ملکی ترقی اتے عوامی فلاح و بہبود کیتے کردار ادا کرݨ دا عزم کیتا اتے اڄوکی معاشی ترقی تے وزیراعظم کوں خراج تحسین پیش کیتا۔ ملاقات اچ ملکی معاشی صورتحال اتے سیاسی معاملیاں تے ڳالھ کیتی ڳئی۔
