اسلام آباد۔28فروری (اے پی پی) ترجمان دفتر خارجہ شفقت علی خان آکھیا جو پاکستان اتے آذربائیجان تجارت اتے سرمایہ کاری سودھے ٻئے شعبیاں اچ تعاون ودھاوݨ اتے توانائی، انفراسٹرکچر اتے سرمایہ کاری دے شعبیاں اچ سانجھی سرمایہ کاری دے منصوبیاں دی ڳول کرݨ دی خواہش کیتی اے۔ اے ڳالھ انہاں جمعے کوں پریس بریفنگ اچ ݙسائی۔ انہاں آکھیا جو آذربائیجان دے صدر الہام علیوف دی دعوت تے وزیراعظم محمد شہباز شریف 24 توں 25 فروری تئیں آذربائیجان دا سرکاری دورہ کیتے۔ انہاں آکھیا جو اے دورہ ݙوہیں ملکاں وچال مختلف شعبیاں اچ تعاون ودھاوݨ کیتے مختلف معاہدیاں اتے مفاہمت نامیاں تے دستخط نال مُکیے۔ ترجمان دفتر خارجہ آکھیا جو صدر شوکت مرزیوئیف دی دعوت تے وزیراعظم محمد شہباز شریف 25 توں 26 فروری تئیں جمہوریہ ازبکستان دا سرکاری دورہ کیتے۔ ایں دورے پاکستان اتے ازبکستان وچال تاریخی اتے برادرانہ تعلقات کوں اجاگر کیتے اتے ݙوہیں ملکاں دی قیادت دے تعاون کوں ٻیا مضبوط ٻݨاوݨ دا عزم کیتے۔
