پشاور۔ 28 فروری (اے پی پی) خیبر پختونخوا دے شہر نوشہرہ اچ دارالعلوم حقانیہ اکوڑہ خٹک خود کش دھماکے اچ جے یو آئی (س) دے مرکزی رہنما اتے مدرسے دے نائب مہتمم مولانا حامد الحق حقانی سودھے 4 بندے شہید تھی ڳئے۔ آئی جی خیبرپختونخوا ذوالفقار حمد جامعہ حقانیہ دی مسیت اچ نماز جمعہ اچ خودکش دھماکے دی تصدیق کریندیں ہوئیں ݙسیا جو دھماکے اچ چار بندے جاں بحق اتے کئی شدید زخمی ہن۔ آئی جی ٻیا ݙسیا جو حملے داہدفجامعہ حقانیہ دے سربراہ مولانا حامد الحق حقانی ہن،آئی جی خیبر پختونخوا ذوالفقار حمید اتے چیف سیکرٹری شہاب علی شاہ دھماکے اچ مولانا حامد الحق دے شہید تھیوݨ دی تصدیق کر ݙتی اے۔ ڈپٹی کمشنر نوشہرہ آکھیاجو مولانا حامد الحق حقانی دے جسد خاکی کوں سی ایم ایچ نوشہرہ منتقل کرݙتا ڳئے۔ مشیر اطلاعات بیرسٹر ڈاکٹر سیف آکھیا جو واقعے اچ مولانا حامد الحق دی شہادت دی تصدیق تھی ڳئی اے۔
