اسلام آباد۔28فروری (اے پی پی) وفاقی وزیرداخلہ محسن نقوی دی دارالعلوم حقانیہ اکوڑہ خٹک جامع مسجد اچ دھماکے دی مذمت ، مولانا حامد الحق سودھے ٻئے لوکاں دی شہادت تے ݙکھ تے افسوس کیتے۔ آپݨے بیان اچ وزیرداخلہ محسن نقوی مولانا حامد الحق اتے ٻئے شہیداں دے ٹٻراں نال ہمدردی اتے تعزیت کیتی۔ وزیرداخلہ زخمیاں دی جلدی صحت یابی دی دعا کیتی۔ وزیر داخلہ محسن نقوی آکھیا جو مولانا حامد الحق دی شہادت تے دلی ݙکھ اے۔ وزیرداخلہ محسن نقوی مولانا حامد الحق شہید دی دینی خدمات کوں خراج عقیدت پیش کریندیں ہوئیں آکھیا جو انہاں دے سوگوار ٹبر اتے عقیدت منداں دے ݙکھ اچ برابر دے شریک ہیسے۔
