اسلام آباد۔28فروری (اے پی پی) صدر مملکت آصف علی زرداری دارلعلوم حقانیہ اکوڑہ خٹک دی جامع مسجد اچ خودکش دھماکے دی مذمت کریندیں ہوئیں دہشت گرد حملے اچ قیمتی جانی ضیان تے ݙکھ تے افسوس کیتے۔ جمعے کوں ایوان صدر دے پریس ونگ موجب صدرمملکت خودکش حملے اچ نمازیاں کوں نشانہ ٻݨاوݨ دے مکروہ کم دی مذمت کیتی۔ انہاں واقعہ آچ جاں بحق تھیوݨ آلیاں کیتے دعائے مغفرت کیتی۔ صدر آصف علی زرداری دہشت گرد حملے اچ جاں بحق تھیوݨ آلیاں دے لواحقین نال تعزیت کیتی اتے انہاں کیتے صبر جمیل دی دعا کیتی۔
