پاکستان تے چین وچال خلائی شعبے اچ تعاون اہم سنگ میل اے، حکومت دی خلائی تحقیق دے شعبے دی ترقی تے خصوصی توجہ اے، عطاء اللہ تارڑ

اسلام آباد۔28فروری(اے پی پی) وفاقی وزیر اطلاعات، نشریات، قومی ورثہ و ثقافت عطاء اللہ تارڑ پاکستان تے چین وچال خلائی شعبے اچ تعاون کوں اہم سنگ میل قرار ݙیندے آکھیے وزیراعظم شہباز شریف دی قیادت اچ حکومت دی خلائی تحقیق دے شعبے دی ترقی تے خصوصی توجہ اے۔ اے ڳالھ انہاں وزیراعظم ہاؤس اچ پاکستان تے چین وچال خلائی تحقیق اچ تعاون دے سمجھوتے دی دستاویز دے تبادلے دی تقریب دے موقع تے آکھی ۔ وفاقی وزیر اطلاعات آکھیے پاکستان دے پہلے مینڈ سپیس مشن دے حوالے نال چین دی سپیس ایجنسی تے سپارکو وچال معاہدہ اہم سنگ میل اے جئیں تے چین دی حکومت دے شکر گزار ہیسے۔ وزیراعظم دے وژن دی روشنی اچ سپارکو دے اقدامات قابل تعریف ہن۔ وفاقی وزیر آکھیے پاکستان تے چین وچال خلائی شعبے اچ تعاون ماݨ دی ڳالھ اے ، خلائی تحقیق اچ تعاون توں چین دے خلا باز پاکستانی خلا بازاں  کوں تربیت ݙیسن ۔ انشاء اللہ ھک سال دی مدت اچ پاکستانی خلاباز چائنیز سپیس سٹیشن اچ سفر کرسڳسن ۔ انہاں آکھیے وزیراعظم شہباز شریف دی قیادت اچ حکومت دی خلائی تحقیق دے شعبے دی ترقی تے خصوصی توجہ اے۔ انشاء اللہ پاکستان دا ساوا ہلالی پرچم خلا۔اچ وی ویسی اے وݙی کامیابی اے جیں تے اساں چینی دوستاں دے شکرگزار ہیسے۔