اسلام آباد۔28فروری(اے پی پی) چیئرمین سینیٹ سید یوسف رضا گیلانی دارالعلوم حقانیہ اکوڑہ خٹک اچ دھماکے دی شدید مذمت کریندے جے یو آئی (س) دے رہنما مولانا حامد الحق حقانی دی شہادت تے تعزیت کیتی ۔ سینیٹ سیکرٹریٹ توں جاری بیان موجب انہاں آکھیے او ھک نیک، دیانتدار تے شفیق انسان ہن جنہاں دی خدمات کوں ہمیشہ یاد رکھیا ویسی ۔ چیئرمین سینیٹ آکھیے ݙکھے ویلھے او ݙکھی خاندان دے ݙکھ اچ برابر دے شریک ہن ، دہشت گردی دے ایں ݙراکلے تے بزدلانہ حملے اچ ملوث عناصر ملک و قوم دے دشمن ہن جیڑھے نشوم شہریاں دی جاناں نال کھیݙ تے ملک اچ بدامنی کھنڈاوݨ دی کوشش کریندے پئن ۔ چیئرمین سینیٹ آکھیے درندہ صفت دہشت گرداں دا کوئی مذہب نئیں ہوندا تے انہاں دے خلاف سخت ترین کارروائی عمل اچ گھن آئی ویسی تاں جو ملک اچ امن یقینی بݨایا ونڄ سڳے چیئرمین سینیٹ دھماکے اچ زخمی لوکاں دی صحتیابی کیتے دعا منڳی ۔چیئرمین سینیٹ آکھیے قانون نافذ کرݨ آلے ادارے دہشت گردی دے واقعے اچ ملوث دہشت گرد عناصر نال اوکھے ہتھاں نال نبݨݨ سانڳے سارے وسائل بروئے کار گھن آون۔
