لاہور۔28فروری(اے پی پی) وزیراعلی پنجاب مریم نوازشریف نوشہرہ دارالعلوم حقانیہ اکوڑہ خٹک اچ بم دھماکے دی شدید مذمت کیتی ۔ آپݨے ھک مذمتی بیان اچ انہاں آکھیے اکوڑہ خٹک جامع مسجد اچ بم دھماکا کھلی دہشت گردی اے، دہشت گرداں دا کوئی مذہب نئیں ہوندا ،انھاں دا مقصد صرف ملک اچ امن و امان دی فضا کوں خراب کرݨا اے ۔ وزیراعلی مریم نواز آکھیے حکومت ،سول و عسکری قیادت دہشتگردی مُکاوݨ سانڳے ھک پیج تے ہن ، دہشتگردی دےخلاف جنگ جتسوں ،پوری قوم ھک مٹھ اے ،بے گناہ لوکاں دا خون وہاوݨ کتھاں دی انسانیت اے ،دنیا دا کوئی مذہب ایویں قبیح عمل کرݨ دی اجازت نئیں ݙیندا ، بزدلانہ اتے مذموم کارروائیاں دہشتگردی دے خلاف ساݙے عزم کوں جھکا نی کرسڳدیاں ، ملک توں ہر قسم دی دہشتگردی مُکاوݨ سانڳے پرعزم ہیسے۔ وزیر اعلی مریم نواز شہدا دے اُچے درجات اتے زخمی نمازیاں دی وختی صحت یابی سانڳے دعا وی منڳی۔
