اسلام آباد۔1مارچ(اے پی پی) پاکستان تے اٹلی وچال ݙو پاسے سیاسی مشاورتاں دا چھیواں دور 28 فروری کوں روم اچ تھئے جیں اچ ݙوہیں پاسوں ݙو پاسے تعلقات دی مثبت پیشرفت اتے یورپی یونین دے تناظر اچ تعاون تے اطمینان دا اظہار کیتے۔ ترجمان دفتر خارجہ توں جاری بیان موجب پاکستانی وفد دی قیادت سیکرٹری خارجہ آمنہ بلوچ کریندیاں پیاں ہن جݙاں جو اطالوی وفد دی قیادت سیکرٹری جنرل ریکارڈو گوارگلیاکیتی۔ ݙوہیں فریقین ݙو پاسے تعلقات دی مثبت پیشرفت اتے یورپی یونین دے تناظر اچ تعاون تے اطمینان دا اظہار کیتے۔ سیکرٹری خارجہ ݙوہیں ملکاں وچال ودھدے تجارتی تعلقات کوں اجاگر کریندے معیشت، ترقی، زراعت، دفاع، اعلیٰ تعلیم اتے عوام نال عوام وچال رابطے دے شعبیں کوں مزید ودھاوݨ دی بھرپور صلاحیت تے زور ݙتا ۔ سیکرٹری خارجہ اتے سیکرٹری جنرل اڄوکے سال 30 جنوری کوں اسلام آباد اچ تھیوݨ آلی ݙو پاسے قونصلر مشاورتاں دا وی مثبت انداز اچ جائزہ ڳھدا۔ ݙوہیں فریقین ٻہوں سارے بین الاقوامی اتے علاقائی مسئلیں تے ھکو سواں نقطہ نظر دے نال نال اقوام متحدہ اچ نیڑے ہم آہنگی دی تعریف کیتی۔سیکرٹری خارجہ اپݨے اطالوی ہم منصب کوں پاکستان ۔اٹلی اسٹریٹجک انگیجمنٹ پلان دی ݙوجھی وزارتی جائزہ کانفرنس سانڳے اسلام آباد اچ سݙݨ کیتے نائب وزیراعظم/وزیر خارجہ اسحاق ڈار دا رسمی خط وی حوالے کیتے تے آندے سال پاکستان اچ مذاکرات دا ستواں دور کراوݨ تے اتفاق کیتا ڳئے۔
