اسلام آباد۔1مارچ(اے پی پی) نائب وزیراعظم تے وزیر خارجہ سینیٹر محمد اسحاق ڈار ڈنمارک دے وزیر خارجہ لارس لوکے راسموسن نال ٹیلی فون تے ڳالھ مہاڑ کیتی ۔ ݙوہیں رہنماؤاں پاکستان تے ڈنمارک وچال پراݨی یاری کوں تکڑی اقتصادی شراکت داری اچ بدالݨ دا عزم کیتے ۔ دفتر خارجہ توں جاری بیان موجب نائب وزیراعظم تےوزیر خارجہ سینیٹر اسحاق ڈار پبلک پرائیویٹ پارٹنرشپ دے ودھارے دے ذریعے تجارت تے سرمایہ کاری اچ تعاون کوں تکھا کرݨ دے طریقے ڳولیے ۔ ایں توں انڄ 2025 اتے 2026 سانڳے اقوام متحدہ دی سلامتی کونسل دے غیر مستقل ارکان دی حیثیت نال انہاں سانجھے مفادات، امن تے پائیدار ترقی کوں اڳوں ودھاوݨ سانڳے کثیر الجہتی پلیٹ فارمز تے تعاون کرݨ دا عہد کیتے۔
