لاہور۔2مارچ(اے پی پی) چیئرمین پاکستان کرکٹ بورڈ( پی سی بی) محسن نقوی نال ڈومیسٹک کرکٹ اچ بہترین کارکردگی ݙکھاوݨ آلے کھلاڑیاں ملاقات کیتی۔ نیشنل کرکٹ اکیڈمی دے بورڈ روم اچ ملاقات اچ چیئرمین پی سی بی محسن نقوی کھلاڑیاں توں کرکٹنگ سکلز، پرفارمنس، ڈائٹ پلان، فٹنس اتے ٹریننگ دے امور تے تفصیلی ڳالھ مہاڑ کیتی ۔ ملاقات اچ کھلاڑیاں ہائی پرفارمنس سنٹرز اچ تربیت ، فنٹس تے ڈائٹ پلان دے حوالے نال ایشوز دا ݙسائے ۔ چیئرمین پی سی بی کھلاڑیاں دی حوصلہ افزائی کیتی تے انہاں دے مسئلے حل کرݨ سانڳے متعلقہ حکام کوں ہدایات ݙتیاں تے سارے اکیڈمیز تئیں انہاں سٹار کھلاڑیاں کوں رسائی ݙیوݨ دا فیصلہ کیتا ڳئے ۔ محسن نقوی کھلاڑیاں دی فٹنس سانڳے خصوصی طور تے ڈائٹ پلان تیار کرݨ دی ہدایت ݙتی ، انہاں آکھیے کھلاڑیاں دی فزیکل ٹریننگ سانڳے ٹرینرز دی دستیابی یقینی بݨائی ویسی ۔ انہاں کھلاڑیاں کوں آکھیے تساں پاکستان دے مستقبل دے سٹارز او،تساں کیتے وسائل ݙیوݨ پاکستان کرکٹ دے روشن مستقبل تے سرمایہ کاری اے۔چیئرمین پی سی بی کھلاڑیاں دیاں تجویزاں نوٹ کیتیاں تے موقع تے ہی احکامات جاری کیتے۔ملاقات کرݨ آلے کھلاڑیاں اچ محمد علی، علی رضا، احمد دانیال، نثار احمد، محمد ابتسام،محمد سلمان، آفاق آفریدی ، عبدالصمد ،سعد مسعود، خواجہ نافع،معاذ صداقت، عرفات منہاس، مبشر خان، حیدر علی،حسان نواز، فیصل اکرم،طاہر بیگ اتے قاسم اکرم شامل ہن۔ ایڈوائزر عامر میر، ڈائریکٹرڈومیسٹک کرکٹ عبداللہ خرم نیازی اتے ڈائریکٹر انٹرنیشنل کرکٹ عثمان واہلہ وی ایں موقع تے موجود ہن۔
