اسلام آباد۔3مارچ(اے پی پی) وفاقی وزیر اطلاعات و نشریات عطا تارڑ آکھیے جو سارے معاشی اعشاریئے مثبت ویندے پن، وزیراعظم صبحائیں حقائق قوم دے اڳو رکھیسن۔ اسلام آباد اچ نیوز کانفرنس کریندے وفاقی وزیر اطلاعات و نشریات عطا تارڑ آکھیا جو اقتدار سنٻھالیا ہا تاں ملک ݙیوالا تھیوݨ آلا ہا، صبحائیں 4 مارچ کوں مسلم لیگ (ن) دی مخلوط حکومت دا ہک سال مکمل تھی ویسی تاں وزیر اعظم قوم حقائق قوم دے اڳو رکھسن، اساں سیاست قربان کر تے ریاست بچائی اے اتے قوم و ملک دے فیدے کیتے سارے فیصلے کیتن، حکومتی اقدامات نال مہنگائی آج ڳھٹ ترین سطح تے اے، ساݙھے 9 سال بعد اے مہنگائی دی کم ترین سطح اے، ایندے اچ محنت، ٹیم ورک اتے ایس آئی ایف سی دا اہم کردار اے، معاشی بحالی اچ آرمی چیف دا کردار قابل ستائش اے، ہر سیکٹر اچ بہتری آئی اے۔ وفاقی وزیراطلاعات آکھیا جو پاکستان دے خلاف آئی ایم ایف کوں خط لکھیے ڳن، ٻھل پاکستان دا برا سوچݨ آلے اڄ آپ تقسیم دا شکار ہین۔ پالیسی ریٹ اچ مسلسل کمی آندی پئی اے، پاکستان سٹاک مارکیٹ تاریخ دی بلند ترین سطح تے ہے، سرمایہ کاراں دا پاکستان تے اعتماد ودھدا پئے، پاکستان اچ ول کھݙیاں دے میدان آباد تھی ڳن، آئی ٹی ایکسپورٹ اچ 32 فیصد اضافہ تھئے، معیشت دے تمام اعشاریئے مثبت ہین، ہک سال اچ پاکستان دا ٹرن راؤنڈ تھئے، شکر ادا کریندے ہیں، کل دا ݙینھ وݙا اہم اے، وزیراعظم قوم کوں حقائق ݙسیسن اتے قوم کوں مبارک ݙیسن، ملکی معیشت اچ بہتری دے ثمرات عوام تئیں پڄدے پن۔ وفاقی وزیراطلاعات آکھیا جو القادر ٹرسٹ اچ غبن کرݨ آلے سزا بھگتیندے پن، عوام دھرنا، جلاؤ گھیراؤ نئیں خوشحالی چاہندے ہیں، رمضان اچ مہنگی اشیا ویچݨ آلیاں دے خلاف مقدمات درج تھیسن۔ انہاں آکھیا جو اعداد و شمار کݙاہیں کوڑ نئیں مریندے، کھوکھلے نعرے، جھوٹ بہتان اتے آپس دی لڑائیاں کوئی نئیں چاہندا، پاکستان دے عوام چاہندن جو مہانگ کیویں ڳھٹسی، اڄ نظر آندا پئے جو مہانڳ ڳھٹدا پئے۔ اڑان پاکستان پائیدار ترقی دا منصوبہ اے۔
