واشنگٹن ۔4مارچ (اے پی پی) امریکا یوکرین دی فوجی امداد معطل کرݨ دی تصدیق کر ݙتی اے۔ رائٹرز محکمہ دفاع ( پینٹا گون) دے ہک سینئر اہلکار بارے ݙسیا جو اے معطلی اوں ویلھے تئیں رہسی جڈاں تئیں امریکی صدر ڈونلڈ ٹرمپ ایں ڳالھ دا تعین نی کر ڳھندے جو یوکرین دے رہنما روس نال امن کیتے نیک نیتی دا مظاہرہ کریندے پئن۔ عہدیدار آکھیا جو او ایں کم نال امن تے توجہ ݙیندے پئن اتے فریقین کوں وی ایں مقصد کیتے پرعزم تھیوݨ دی لوڑھ اے۔
