اسلام آباد۔4مارچ (اے پی پی) وزیر اعظم شہباز شریف وفاقی حکومت دا پہلا سال پورا تھیوݨ تے اڄ منگل کوں خصوصی اجلاس دی ہک سالہ کارکردگی پیش کریسن۔ خصوصی اجلاس اچ کاروباری حضرات، چیمبرز دے نمائندگان، تریمتیں، طالب علم اتے ٻئے شعبیاں توں شہری شریک تھیسن۔ منگل کوں وزیر اعظم آفس دے میڈیا ونگ توں جاری بیان موجب وزیرِ اعظم محمد شہباز شریف دی قیادت اچ وفاقی حکومت دا پہلا سال پورا تھیوݨ تے وفاقی کابینہ دے کارکردگی دے جائزے کیتے وزیراعظم دی صدارت خصوصی اجلاس اڄ تھیسی۔ اجلاس اچ متعلقہ وزرا ، خزانہ، توانائی، انفارمیشن ٹیکنالوجی اتے ٻئے شعبیاں دی ہک سال دی کارکردگی رپورٹ پیش کریسن۔ خصوصی اجلاس اچ وفاقی کابینہ دی کارکردگی دا جائزہ ڳھدا ویسی۔ ایں موقع تے وزیراعظم خطاب وی کریسن۔
