اسلام آباد۔4مارچ(اے پی پی) دورہ نیوزی لینڈ کیتے قومی سکواڈ دا اعلان کر ݙتا ڳئے، ون ڈے اتے ٹی ٹوئنٹی کیتے انڄھ انڄھ کھیݙاڑی ہوسن، کپتانی سلمان علی آغا کوں مل ڳئی۔ قومی کرکٹ ٹیم دے ہیڈ کوچ عاقب جاوید لاہور اچ پریس کانفرس کریندے آکھیے جو محمد رضوان کولو ٹی 20 دی کپتانی ولا ڳھدی اے، دورہ نیوزی لینڈ اچ سلمان علی آغا ٹی 20 ٹیم دے کپتان ہوسن اتے شاداب خان کوں نائب کپتان ٻݨایا ڳئے۔ انہان آکھیا جو ون ڈے سکواڈ دی کپتانی محمد رضوان ہی کریسن اتے سلمان آغا ون ڈے ٹیم اچ نائب کپتان ہوسن۔ ون ڈے سکواڈ اچ محمد رضوان (کپتان)، سلمان آغا (نائب کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، امام الحق، خوشدل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم اتے طیب طاہر شامل ہین۔ انہاں ݙسایا جو ون ڈے سکواڈ توں شاہین آفریدی اتے حارث رؤف کوں ڈراپ کیتا گئے ڄݙاں جو اوپنر فخر زمان اتے صائم ایوب کوں طبی مشورے تے زیر غور نئیں رکھیا۔ ٹی 20 سکواڈ اچ سلمان علی آغا کپتان، شاداب خان نائب کپتان ہوسن اتے ٻئے کھیݙاڑیاں اچ عبدالصمد، ابرار احمد، حارث رؤف، حسن نواز، جہانداد خان، خوشدل شاہ، عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم اتے عثمان خان شامل ہین۔
