اسلام آباد۔5مارچ(اے پی پی)آسٹریلیا دے لیجنڈ کرکٹر سٹیو سمتھ ون ڈے کرکٹ توں ریٹائرتھیوݨ دا اعلان کیتے۔ کرکٹ آسٹریلیا آکھیے جو سٹیو سمتھ ٹیسٹ اتے ٹی 20 کرکٹ کیتے ٹیم اچ موجود راہسن۔ ریٹائرمنٹ بارے سٹیو سمتھ آکھیے جو اے سفر میݙے کیتے ٻہوں شاندار رہے، میں ہر جھٹ سوھݨا غزاریے اتے اینداں وݙیاں بہترین یاداں ہین، ݙو ورلڈ کپ جیتݨ کیریئر دی سب توں وݙی کامیابی اے۔ انہاں آکھیا جو ٹیسٹ کرکٹ میݙے کیتے ترجیح ہوسی، میں ورلڈ ٹیسٹ چیمپئن شپ دے فائنل دا تانڳھی ہاں، دورہ ویسٹ انڈیز اتے ول انگلینڈ ہوم سیریز کھیݙݨ چاہنداں، میں سمڄھداں جو ایں ویلھے میں کرکٹ اچ ٻہوں حصہ ست سڳداں۔ ایں توں پہلے چیمپئنز ٹرافی اچ سٹیو سمتھ آسٹریلوی ٹیم دے کپتان ہن ٻھل انہاں دی ٹیم سیمی فائنل اچ بھارت کولو ہر تے ٻاھرو تھی ڳئی۔ سٹیو سمتھ 2010 اچ بطور لیگ سپنر ٹیم اچ آئے ہن ٻھل او ہک شاندار بیٹسمین ہن اتے انہاں 170 ون ڈے میچاں اچ 5800 رنز ٻݨائن۔ آسٹریلوی بیٹر اپݨے کیریئر اچ 12 سنچریاں، 35 نصف سنچریاں ٻݨائن اتے 28 وکٹاں وی ڳھدن۔
