اسلام آباد۔5مارچ(اے پی پی)وزیراعظم محمد شہباز شریف عرب لیگ ولوں غزہ دی تعمیر نو کیتے مصر دے صدر عبدالفتاح السیسی دے منصوبے دی منظوری اتے فلسطینیاں کوں انہاں دے آبائی وطن توں بے گھر کرݨ دے کہیں وی منصوبے کوں سختی نال مسترد کرݨ دا خیرمقدم کیتے۔ ایکس تے ٹویٹ اچ وزیراعظم آکھیے جو او پاکستان دے ایں مطالبے کوں دوہریندن جو اقوام متحدہ کو ݙو ریاستی حل بارے اپݨیاں قرارداداں تے عمل درآمد یقینی ٻݨاوے جیندے اچ 1967 توں پہلے دی سرحداں دی بنیاد تے ہک قابل عمل، خودمختار فلسطینی ریاست ٻݨے جیندا دارالحکومت القدس شریف ہووے۔
