اسلام آباد۔6مارچ (اے پی پی) وزیراعظم محمد شہباز شریف آکھیے نینگر ایں ملک دا سرمایہ ہن ، باصلاحیت نینگراں دی کابینہ اچ شمولیت توں حکومت دی استعداد کاراچ ودھارا تھیسی۔ وزیراعظم دفتر دے میڈیاونگ توں جاری بیان موجب وزیراعظم اے ڳالھ معاون خصوصی حذیفہ رحمان نال کوں آکھی جنہاں انہاں نال ملاقات کیتی ۔ وزیراعظم حذیفہ رحمان کوں وفاقی کابینہ اچ رلݨ تے مبارخ ݙتی تے نیک خواہشات دا اظہار کیتے۔ وزیراعظم آکھیے نینگر ایں ملک دا سرمایہ ہن اتے باصلاحیت نینگراں دی کابینہ اچ شمولیت توں حکومت دی استعداد کاراچ ودھارا تھیسی ۔ ایں موقع تے حذیفہ رحمان اڄوکے معاشی استحکام تے وزیراعظم کوں خراج تحسین پیش کیتے تے عوامی فلاح و بہبود سانڳے سرگرم عمل رہݨ دے عزم دا اعادہ کیتے۔ حذیفہ رحمان وزیراعظم دے اعتماد تے پورا لہݨ دا عزم کیتے۔
