سیالکوٹ۔9مارچ(اے پی پی) وزیردفاع خواجہ محمد آصف آکھیے پاکستان مسلم لیگ (ن) دی قیادت پوری پاکستانی قوم سانڳے ھکو سواں جذبہ محبت رکھیندی اے ، کہیں وی معاشرے اچ اقلیتوں دے اوہے حقوق ہوندن جیڑھے اکثریتی برادری دے ہوندن ، سیالکوٹ کوں اے اعزاز حاصل اے جو اتھاں عیسائی ، ہندو تے سکھ خاصی تعداد اچ وسدن تے قیام پاکستان دے بعد اتھاں آبد ہن انہاں کوں آپݨے کاروبار تے مذہبی رسماں دی پوری آزادی اے او اتھاں آپݨی اپنی زندگی آزادی نال گزریندے پئن ۔ اے ڳالھ انہاں سیالکوٹ اچ صوبائی وزیر ہیومین رائٹس و منیارٹی افیئر رامیشں سنگھ اروڑا دے رلے وزیراعلیٰ پنجاب مینارٹی کارڈ دی تقریب تقسیم انعامات توں بطور مہمان خصوصی خطاب اچ آکھی ۔انہاں آکھیے ساݙا مذہب وی اساکوں ایہو سکھیندے جو اتھاں اقلیتاں کوں وی اوہے حقوق حاصل ہن جیڑھے اکثریت کوں ہن ایں کم سانڳے وزیراعلیٰ پنجاب مریم نواز شریف دے اقدامات لائق تحسین ہن کیوں جو پنجاب حکومت سارے لوکاں کیتے ھکو سویں حقوق سانڳے سرگرم عمل اے تاں وج بلاامتیاز ساریں کوں ھکو سویں حقوق ملن۔ صوبائی وزیر ہیومین رائٹس و مذہبی امور پنجاب رامیشں سنگھ اروڑا وی ایں موقع تے خطاب کیتا تے آکھیے وزیراعلیٰ پنجاب مریم نواز شریف بطور وزیراعلیٰ اپݨی پہلی تقریر اچ آکھیا ہئی جو اقلیتاں میݙے سر دا تاج ہن تے میں چاہندی ہاں جݙاں اقلیتاں سُمن نال کہیں قسم دا ݙر نہ ہووے ۔ ایویں قائد مسلم لیگ (ن)میاں محمد نواز شریف آکھدن جو میݙے نزدیک اکثریت تے اقلیت دی کوئی تفریق کائنی۔ 22 جنوری کوں وزیر اعلیٰ پنجاب مریم نواز شریف مینارٹی کارڈ دا اجراء کیتے ول بغیر کہیں سفارش دے پورٹل دے ذریعے 93 ہزار توں ودھ پنجاب اچ وسݨ آلے غیر مسلم گھراݨے خود کوں رجسٹرڈ کیتے جنہاں اچوں 50 ہزارگھراݨے کوں جنہاں دا غربت اسکور 45 توں گھٹ ہئی مینارٹی کارڈ سانڳے اہل قرار ݙتا ڳئے ۔ آندے سال مینارٹی کارڈ توں75 ہزار گھراݨے فیدہ چیسن ۔ صوبائی وزیرگردوارہ بابے بیری دے تاریخی تالاب اتے زمین کوں قبضہ مافیا توں چھڑاوݨ تے سکھ کمیونٹی دی طرفوں وزیردفاع خواجہ محمد آصف ، رکن صوبائی اسمبلی محمد منشا اللہ بٹ، رکن صوبائی اسمبلی چوہدری فیصل اکرام ، رکن صوبائی اسمبلی چوہدری نوید اشرف، ڈپٹی کمشنرسیالکوٹ محمد ذوالقرنین لنگڑیال،تے انتظامیہ دا شکریہ ادا کیتے۔
