سیالکوٹ۔9مارچ(اے پی پی) وزیردفاع خواجہ محمد آصف گردوارہ بابے بیری دے تالاب کوں قبضہ مافیا توں چھڑاوݨ دے بعد گردوارہ انتظامیہ دے حوالے کرݙتے۔ خواجہ محمد آصف تالاب دیاں چاٻیاں گردوارہ کمیٹی دے حوالے کیتیاں ۔ ایڈیشنل ڈپٹی کمشنر ریونیو محمد اقبال سنگھیڑا وزیر دفاع خواجہ محمد آصف تے صوبائی وزیررامیشں سنگھ اروڑا کوں گردوارہ دی زمین چھڑاوݨ سانڳے ضلعی انتظامیہ دیاں کوشاں تے تفصیلی بریفنگ ݙتی ۔ صوبائی وزیر انسانی حقوق و اقلیتی امور سرداررامیشں سنگھ اروڑا سکھ کمیونٹی دی طرفوں گردوارہ دی زمین چھڑاوݨ تے وزیردفاع خواجہ محمد آصف، ارکان صوبائی اسمبلی محمد منشاء اللہ بٹ ، چوہدری فیصل اکرام ، ڈپٹی کمشنر سیالکوٹ محمد ذوالقرنین لنگڑیال، ایڈیشنل ڈپٹی کمشنر ریونیو محمد اقبال سنگھیڑا دا شکریہ ادا کیتے تے پاکستان سکھ گردوارہ تے بندھک کمیٹی دی طرفوں تعریف کیتی تے سر صاحب نال عزت افزائی کیتی۔ایں موقع تے وزیر دفاع خواجہ محمد آصف دنیا دی سکھ برادری کوں گردوارہ بابے بیری دی زیارت دی دعوت ݙتی تے آکھیے سیالکوٹ انھاں دی بھرپور مہمان نوازی کریسی۔
