اسلام آباد۔9مارچ(اے پی پی) پارلیمنٹ دے سانجھے اجلاس توں پہلے پارلیمنٹ ہاؤس اچ سیکیورٹی دے سخت انتظامات کیتے ڳئن ۔ قومی اسمبلی سیکرٹریٹ توں جاری بیان موجب اجلاس اچ مہماناں دا داخلہ مکمل طور تے ممنوع قرار ݙتا ڳئے جݙاں جو میڈیا دے نمائندیں کوں محدود تعداد اچ ونڄݨ دی اجازت ہوسی ۔میڈیا اداریں کوں ہدایت کیتی ڳئی اے جو او آپݨے مقرر کیتے ڳئے بیٹ رپورٹرز دے ذریعے صرف ݙو رپورٹرز دے ناں جمع کراون تاں جو سیکورٹی متعلق کہیں وی قسم دے مسئلے توں بچیا ونڄ سڳے ۔ قومی اسمبلی سیکرٹریٹ آکھیے میڈیا آؤٹ لیٹس جنہاں پہلے ہی اپݨے رپورٹر دیاں سنداں جمع کراݙتن او متعلقہ دفتر توں آپݨے خصوصی کارڈ گھن سڳدن ،جنھاں اداریں حالی تئیں ناں جمع نی کرائے او سانجھے اجلس دے دوران سوکھی رسائی یقینی بݨاوݨ سانڳے مقرر کیتے ڳئے واٹس ایپ نمبر دے ذریعے اپݨے ݙو نمائندیں دی تفصیلات بھیڄن۔
