ڈبلیو ایچ او دے صحت دے شعبہ اچ کئی ݙھاکیاں توں جاری تعاون اتے خدمات کوں قدر نال ݙیکھدوں، سید مصطفیٰ کمال

اسلام آباد۔12مارچ  (اے پی پی) وفاقی وزیر برائے قومی صحت سید مصطفیٰ کمال آکھیا جو ڈبلیو ایچ او دے صحت دے شعبہ اچ کئی ݙھاکیاں توں جاری تعاون اتے خدمات کوں قدر نال ݙیکھدوں۔ ڈیبلیو ایچ او ہر اوکھ اچ پاکستان دا ساتھ ݙتے۔ اے ڳالھیں انہاں پاکستان اچ عالمی ادارے صحت  دے نمائندے ڈاکٹر لو ڈپینگ دی آپݨے وفد نال ملاقات اچ آکھی۔ ڈبلیو ایچ او دے نمائندے وفاقی وزیر کوں منصب سنبھالݨ تے مبارخ ݙتی۔ ملاقات اچ صحت دے شعبے اچ جاری تعاون، ترجیحات اتے آپسی دلچسپی بارے ڳالھ کیتی ڳئی۔ ڈبلیو ایچ او دے سربراہ پورے پاکستان اچ ڈبلیو ایچ او دے تعاون نال جاری پروجیکٹ بارے ݙسیا۔ ملاقات دے چھیکڑ تے وزیرصحت عالمی ادارہ صحت دے سربراہ دا شکریہ وی ادا کیتا۔