اسلام آباد۔12 مارچ(اے پی پی)وزیر اعظم شہباز شریف دی خام چینی دی درآمد بارے ٻݨائی کمیٹی دا اہم اجلاس وفاقی وزیر برائے غذائی تحفظ رانا تنویر حسین دی اڳواݨی اچ تھئے۔ اجلاس اچ وزیر پٹرولیم علی پرویز ملک، وزیر صنعت ہارون اختر اتے ٻئے اعلیٰ حکام شرکت کیتی۔ ایں موقع تے خام چینی دی درآمد بارے امور تے ڳالھ تھئی۔ وفاقی وزیر ݙسایا جو خام چینی دی درآمد ملکی سفید چینی دی قیمت مستحکم کرݨ کتیے فیدہ ݙیسی۔ کمیٹی خام چینی دی درآمد دے فوائد و ممکنہ خدشات تے الایا۔ انہاں آکھیا جو خام چینی دی درآمد دے اثرات اتے طریقہ کار تے جامع مطالعہ کیتا ویسی۔
