اسلام آباد۔12مارچ(اے پی پی)وزیراعظم محمد شہباز شریف نال پاکستان دے مختلف چیمبرز آف کامرس دے صدور ملین۔ وزیر اعظم معاشی استحکام تے حکومتی ٹیم دی تعریف اتے مشاورتی عمل دا حصہ ٻݨآوݨ تے شکریہ ادا کریندے ہدایت کیتی اے جو ساریاں وزارتاں اتے متعلقہ سیکریٹریز چیمبرز آف کامرس نال صلاح دے بعد انہاں دی تجاویز تے پالیسی اقدامات دا لائحہ عمل پیش کرن۔ ملاقات اچ وفاقی وزراء رانا تنویر حسین، احد خان چیمہ، محمد اورنگزیب، عطاء اللہ تارڑ، حنیف عباسی، سردار اویس خان لغاری، شزہ فاطمہ خواجہ، علی پرویز ملک، وزیر مملکت بلال اظہر کیانی، معاون خصوصی ہارون اختر، وزیر اعظم دے کوآرڈینیٹر رانا احسان افضل اتے متعلقہ اعلی حکام شرکت کیتی۔ وزیراعظم آکھیے جو ملکی ترقی دا سفر ہݨ شروع تھی چکیے، معیشت دی ترقی کیتے رل تے کم کرݨے، کاروباری برادری دے مسلے حل کرݨ ترجیح اے، کاروباری برادری اوکھے معاشی حالات دے باوجود صنعت و تجارت دا سلسلہ جاری رکھیے، حکومت کاروباری برادری کیتے ہر ممکن سہولتاں ݙیندی پئی اے ایں سانڳے ایف بی آر دی ڈیجیٹائزیشن اتے ٻیاں اصلاحات تھینداں پین، تاجر برادری حکومت دے ٹیکس ریونیو اچ ودھارے کیتے سسٹم اچ اصلاحات تے اپݨی تجاویز ݙیوے۔ ملاقات اچ چیمبرز آف کامرس دے صدور مسلیاں دے حل کیتے تجاویز ݙتن۔ وزیر اعظم متعلقہ وزارتاں اتے سیکریٹریز کوں چیمبرز نال مشاورت دے بعد انہاں دی تجاویز سانڳے پالیسی اقدامات دا لائحہ عمل ݙیوݨ دی ہدایت کیتی۔
