اسلام آباد۔13مارچ (اے پی پی) سٹیٹ بینک پاکستان انویسٹمنٹ بانڈز دی نیلامی توں 15.8ارب روپے کٹھے کرڳھدن ۔سٹیٹ بینک توں جاری اعداد و شمار موجب نیلامی اچ ݙو تے ترائے سالہ مدت دے پاکستان انویسٹمنٹ بانڈز سانڳے ٻولیاں کوں مسترد کرݙتا ڳئے، جݙاں جو پنج سالہ مدت دے بانڈز دی نیلامی توں 15.8ارب روپے کٹھے کرڳھدے ڳئن ، سٹیٹ بینک نیلامی توں 350ارب روپے جمع کرݨ دا ہدف مقررر کیتا ہئی جݙاں جوملݨ آلیاں ٻولیاں دا حجم 476 ارب روپے ہئی۔ بانڈز تےمنافع دی شرح 12.37 فیصد مقررکیتی ڳئی اے۔
