اسلام آباد۔14مارچ(اے پی پی) عدالتی کارروائیاں اچ ڈیجیٹلائزیشن دے پاسے ھک اہم قدم دے طور تے سپریم کورٹ آف پاکستان انسٹی ٹیوشن ڈیسک تے ای فائلنگ کیسز دا نواں طریقہ کار متعارف کراݙتے ۔سپریم کورٹ آف پاکستان دے شعبہ تعلقات عامہ دے جاری اعلامیہ موجب انسٹی ٹیوشن ڈیسک تے ای فائلنگ کیسز دا نواں طریقہ کار17 مارچ 2025 توں آپریشنل تھیسی سارے وکیلاں تے کیس دے فریقین کوں مشورہ ݙتا ویندے جو او آپݨے کیسز تے درخواستاں دی فزیکل (ہارڈ) کاپی اتے اسکین شدہ (سافٹ) کاپی ݙوہیں پرنسپل سیٹ اتے برانچ رجسٹریاں اچ جمع کرائن۔ اسکین شدہ ورژن ’یو ایس بی‘ دے ذریعے وی ݙتا ونڄ سڳدے یا efiling@scp.gov.pk تے ای میل کیتا ونڄ سڳدے ۔ سپریم کورٹ آن لائن دائر تھیوݨ آلی جاہ تے آؤٹ آف ٹرن سماعت دی ترجیح ݙیندی اے ایں طرح دے مقدمیں کوں پندرہ ݙینھ دے اندر سماعت سانڳے مقرر کیتا ویندا پئے ایں اقدام دا مقصد نہ صرف کاغذی کارروائیاں کوں گھٹ کرݨ تے قانونی عمل کوں تکھا کرݨ اے بلکہ پورے عدالتی نظام اچ شفافیت تے رسائی کوں وی ودھاوݨ اے ۔ ای-فائلنگ کوں وسیع تر اختیار کرݨ دی حوصلہ افزائی کریندے سپریم کورٹ کیس دے انتظام دے ھک زیادہ ہموار طریقہ کار کوں بݨاوݨ دے آپݨے عزم تے زور ݙیندی اے۔
