اسلام آباد۔14مارچ(اے پی پی)وزیر اعظم محمد شہباز شریف چینی دے ذخیرہ اندوزاں اتے مصنوعی طور تے چینی دی قلت پیدا کر تے قیمت ودھاوݨ دے ذمہ دار عناصر دے خلاف سخت ترین کارروائی دی ہدایت کیتی اے۔ او اسلام آباد اچ چینی دی کھپت و رسد اتے مقررہ قیمتاں تے عام آدمی کوں فراہمی سانڳے جائزہ اجلاس دی اڳواݨی کریندے آکھی۔ اجلاس اچ وفاقی وزراء اعظم نذیر تارڑ، رانا تنویر حسین، احد خان چیمہ، علی پرویز ملک، معاون خصوصی ہارون اختر اتے متعلقہ اعلی حکام سودھا چارے صوبیاں دے چیف سیکریٹریز ویڈیو لنک تے شرکت کیتی۔ اجلاس اچ چینی دی کھپت و رسد اتے موجودہ قیمتاں تے بریفنگ ݙتی ڳئی۔ وزیراعظم آکھیا جو چینی ذخیرہ کرݨ، قیمتاں تے سٹہ لا تے مصنوعی ودھارے دی اجازت نا ݙتی ویسی، ناجائز منافع خوراں، ذخیرہ اندوزاں دے خلاف کریک ڈائون کرتے رپورٹ ݙتی ونڄے، چینی دی کھپت و رسد تے اکھ رکھی ونڄے۔ انہاں متعلقہ حکام کوں شوگر ملاں نال چینی دی کھپت و رسد دی نگرانی کیتے روابط مربوط کرݨ دی وی ہدایت کیتی۔
