اسلام آباد۔14مارچ(اے پی پی)وزیر اعظم محمد شہباز شریف آکھیے جو پاکستان اچ پائیدار معاشی ترقی کیتے سرمایہ کاری ڳھن آسوں، حکومت کاروباری برادری کوں ودھ سوکھ ݙیندی پئی اے۔ اے ڳالھ انہاں اسلام آباد اچ ملک دی معروف کاروباری شخصیات دے وفد نال ملݨ ویلھے آکھی۔ ملاقات اچ وفاقی وزراء احسن اقبال، رانا تنویر حسین، احد خان چیمہ، محمد اورنگزیب، عطاء اللہ تارڑ، حنیف عباسی، سردار اویس خان لغاری، شزہ فاطمہ خواجہ، علی پرویز ملک، وزیر مملکت بلال اظہر کیانی، معاون خصوصی ہارون اختر، وزیر اعظم دے کوآرڈینیٹر رانا احسان افضل اتے متعلقہ اعلی حکام شرکت کیتی۔ ملاقات اچ کاروباری شخصیات وزیر اعظم کوں اپݨے مسلے ݙسائن اتے انہاں دے حل کیتے تجاویز وی ݙتن۔ وفد تجارت و سرمایہ کاری اتے بر آمدات اچ ودھارے سانڳے حکومت دی ہر قسم دی معاونت دی یقین دہانی کرائی۔ وزیر اعظم متعلقہ وزارتاں اتے سیکریٹریز کاروباری شخصیات نال مشاورت دے بعد انہاں تجاویز سانڳے مناسب مبنی پالیسی اقدامات دا لائحہ عمل پیش کرݨ دی ہدایت کیتی۔
