اسلام آباد۔15مارچ(اے پی پی)وزیرِ اعظم محمد شہباز شریف خیبر پختونخوا اچ فتنہ الخوارج دے خلاف کامیاب انٹیلیجنس آپریشن تے سکیورٹی فورسز دے افسران و اہلکاراں دی تعریف کریندے آکھیے جو وطن کیتے جاناں ݙیوݨ آلے قوم دے بہادر جواناں اتے انہاں دے ٹٻراں تے پوری قوم کوں ماݨ اے۔ ہک سنیہے اچ وزیرِ اعظم مہمند اتے ڈیرہ اسماعیل خان اچ 9 خارجیاں کوں ہلاک کرݨ تے سکیورٹی فورسز دی پیشہ ورانہ صلاحیتاں دی تعریف کیتی اتے شہید تھیوݨ آلے حوالدار محمد زاہد اتے سپاہی آفتاب علی شاہ کوں خراج عقیدت پیش کیتے۔ وزیرِ اعظم شہدا دے بلندی درجات اتے ورثا کیتے صبر دی دعا کیتی اتے آکھیا جو دہشتگردی دے مکمل خاتمے تئیں اے جنگ جاری رکھسوں، پوری قوم افواج پاکستان دے نال کھڑی اے۔
