واشنگٹن۔17مارچ (اے پی پی) وائٹ ہاؤس آکھیا جو امریکی حملیاں اچ یمن اچ کئی حوثی رہنما ماریے ڳئن۔ انہاں دی فوجی کاروائیاں بند تھیوݨ تئیں آپریشن کریندے رہسوں۔العربیہ ارد موجب امریکی وزیر خارجہ مارکو روبیو آکھیا جو یمن تے امریکی حملے اوں ویلھے تئیں رہسن جئیں تئیں حوثی عالمی جہاز رانی اتے امریکی بحری ٹریفک تے حملہ کرݨ دی صلاحیت توں محروم تھی ونڄن۔ انہاں زور ݙے تے آکھیا جو یمن اچ امریکی زمینی آپریشن شروع کرݨ دی کوئی لوڑھ کائنی۔ انہاں آکھیا جو انہاں دی فوجی کاروائیاں بند تھیوݨ تئیں آپریشن کریندے رہسوں۔
