اقوام متحدہ ۔21مارچ (اے پی پی) اقوام متحدہ دے ادارہ برائے فلسطینی مہاجرین(انروا) آکھیا جو اسرائیلی بمباری اچ کڄھ ݙینھ اچ اوندے پںڄ امدادی کارکن ہلاک تھی ڳئن۔العربیہ نیوز موجب انروا دے کمشنر جنرل فلپ لازارینی ایکس تے جاری بیان اچ آکھیا جو اڄوکے ݙینھ اچ اسرائیلی بمباری اچ عام شہریاں دے نال نال انہاں دے ادارے دے پںج ارکان وی ماریے ڳئن جئیں اچ انروا دے ہلاک تھیوݨ آلیاں دی تعداد ودھ تے 284 تھی ڳئی اے۔ انہاں آکھیا جو اسرائیلی حملیاں اچ انروا دے ہلاک تھیوݨ آلیاں اچ زیادہ تر اساتذہ، ڈاکٹرز اتے نرساں ہن جو مجبور تے کمزور لوکاں دی خدمت اچ لقمہ اجل ٻݨیے۔ انہاں آکھیا جو اسرائیل فضائی تے سمندری راہ دے نال نال زمینی رستے توں وی حملے کریندا پئے جئیں پاروں صورتحال بدترین تھیوݨ دا ݙر اے۔
