اسلام آباد۔21مارچ(اے پی پی)وفاقی وزیر خزانہ سینیٹر محمد اورنگزیب آکھیے جو موسمیاتی تبدیلیاں نال نمٹݨ کیتے فوری اقدامات دی لوڑھ اے۔ عالمی یوم گلیشیئرز تے تھیوݨ آلی تقریب نال خطاب اچ انہاں آکھیا جو اقوام متحدہ دی جنرل اسمبلی 2022ء اچ گلیشیئرز بارے قرارداد منظور کیتی جیندے اچ پاکستان کیتے موسمیاتی تبدیلی اتے آبادی ݙو اہم ترین مسائل قرار ݙتے گئے اتے گلیشیئرز دے تحفظ کوں قومی پالیسی اچ مرکزی حیثیت ݙیوݨ تے زور ݙتا گئے۔ انہاں آکھیا جو پاکستان اچ 3 ہزار توں ودھ گلیشیائی جھیلاں ہین جیندے اچوں 33 انتہائی خطرناک ڄݙاں جو 70 لکھ توں ودھ افراد گلیشیائی جھیلاں دے ممکنہ پھٹݨ دے خطرے نال دوچار ہین، موسمیاتی آفات دے ودھدے واقعات تشویشناک ہین، پاکستان گلیشیئر پروٹیکشن اینڈ ریزیلینسی سٹریٹجی عوامی جائزے کیتے پیش کریندے پن۔ انہاں آکھیا جو قومی سطح تے موسمیاتی حکمت عملی دا فریم ورک موجود اے ٻھل ایندے تے عملدرآمد کرݨ ہک وݙا چیلنج اے۔
