دوحہ ۔24مارچ (اے پی پی) اسلامی عرب اسلامی وزارتی کمیٹی آکھیا جو غزہ اچ جنگ بندی معاہدے تے فوری عملدرآمد کیتا ونڄے۔ ایس پی اے دے مطابق اسلامی عرب اسلامی وزارتی کمیٹی دا اجلاس قاہرہ اچ تھیا جئیں اچ غزہ دی صورتحال دا جائزہ ڳھدا ڳئیا۔ اجلاس اچ یورپی یونین اچ خارجہ امور اتے سکیورٹی پالیسی دے اعلی نمائندے، یورپی کمیشن دی نائب صدر کایا کلا لاس وی شریک تھئی۔ اجلاس اچ قطر دے وزیراعظم اتے وزیر خارجہ شیخ محمد بن عبدالرحمن بن جاسم، اردن دے نائب وزیراعظم و وزیرخارجہ ایمن الصفدی، مصری وزیر خارجہ ڈاکٹر بدرعبدالعاطی، بحرین دے وزیر خارجہ ڈاکٹر عبدالطیف الزبانی، ترکیہ دے وزیر خارجہ ہاکان فیدان، انڈونیشیا دے وزیر خارجہ سوگیونو، امارات دے وزیر مملکت برائے خارجہ خلیفہ شاہین المرر، نائیجرین سفارتخانے دے ناظم الامور ادسوی سموتو، عرب لیگ دے سیکرٹری جنرل احمد ابو الغیظ اتے او آئی سی دے سیکرٹری جنرل حسین ابراہمیم طحہ وی شریک تھیے۔ اجلاس اچ مقبوضہ فلسطین دی صورتحال تے ڳالھ مہاڑ، غزہ اچ جنگ بندی دے خاتمے اتے اسرائیل دے اڄوکے فضائی حملے اچ وݙی تعداد اچ شہریاں دی ہلاکت تے تشویش کیتی ڳئی۔ اجلاس جنگ بندی دی بحالی، شہریاں اتے سویلین انفراسٹرکچر تے حملیاں دی مذمت کیتی۔ قطر، مصر اتے امریکہ دی ثالثی اچ 19جنوری کوں نافذ تھیوݨ آلے جنگ بندی اتے قیدیاں دی رہائی دے معاہدے تے فوری عملدرآمد اتے معاہدے دے ݙوجھے مرحلے دی پیش رفت تے زور ݙتا ڳئیا۔
