اسلام آباد۔26 مارچ(اے پی پی)خواتین کرکٹ دی قومی سلیکشن کمیٹی 9 توں 19 اپریل تئیں لاہور دے قذافی سٹیڈیم اتے ایل سی سی اے گراؤنڈ اچ تھیوݨ آلے آئی سی سی ویمنز کرکٹ ورلڈکپ کوالیفائر کیتے 15 رکنی قومی سکواڈ دا اعلان کر ݙتے۔ فاطمہ ثنا ایں ایونٹ اچ قومی ٹیم دی قیادت کریسن اتے شوال ذوالفقار دی نیوزی لینڈ سیریز اچ زخمی تھیوݨ توں بعد ولا قومی ٹیم اچ واپس تھی اے۔ ٹیم دے کھلاڑیاں اچ فاطمہ ثنا (کپتان)، منیبہ علی (نائب کپتان)، عالیہ ریاض، ڈیانا بیگ، گل فیروزہ، نجیہہ علوی (وکٹ کیپر)، نشرہ سندھو، نتالیہ پرویز، عمیمہ سہیل، رامین شمیم، سعدیہ اقبال، شوال ذوالفقار، سدرہ امین، سدرہ نواز(وکٹ کیپر) اتے سیدہ عروب شاہ قومی سکواڈ دا حصہ ہین۔
