اسلام آباد۔29مارچ(اے پی پی) وفاقی وزیرداخلہ محسن نقوی ڈیرہ غازی خان اچ لاکھانی چیک پوسٹ تے خوارجی دہشتگرداں دا حملہ ناکام بݨاوݨ تے پولیس کوں شاباش ݙتی اے ۔ جاری بیان اچ وفاقی وزیرداخلہ آکھئے پولیس ھک واری ول جوانمردی نال خوارجی دہشتگرداں دا مقابلہ کیتے تے حملہ پسپا کیتے۔انہاں آکھئے فتنہ الخوارج دے دہشتگرداں دا حملہ ناکام بݨاوݨ تے پولیس ٹیم کوں خراج تحسین پیش کریندوں۔ ڈیرہ غازی خان پولیس دے بہادر سپوتاں پہلے وی دلیری نال خوارجی دہشتگرداں دے حملیں کوں ناکام بݨائے۔ محسن نقوی آکھئے جو پنجاب پولیس پروفیشنل انداز اچ خوارجی دہشتگرداں دے حملے دا منہ بھن جواب ݙتے تے مذموم عزائم کوں ناکام بݨائے ۔ فتنہ الخوارج دے دہشتگرداں دے ناپاک عزائم مٹی اچ رلاوݨ آلی پولیس دی پوری ٹیم کوں مبارخ ݙینداں ۔ انہاں آکھئے پنجاب پولیس دے بہادر اتے پروفیشنل سپوتاں تے ماݨ اے۔
